Moved!

http://hk.myblog.yahoo.com/kayi_wong/

29+1

Miss左<29+1>二次方, 到創作人彭秀慧blog上文提出訴求, 終於得償所願。
得到左<29+1>三次方。

我身邊0既同伴話「中曬!」。我, 發覺有d野我miss左。係無經歷過定遺忘左? 你呢?

望著鏡裡的自己, 不得不把功能超強的護膚品往面上塗, 而得返老還童。(林若君)
上班如行屍走肉, 迫於人肉罐頭地鐵內, 雙手唔知用黎掩鼻好定扶柱好。(林若君)
工作沉悶, 無滿足感。好唔想do, 好想炒老細魷魚。(林若君)
愛戀進化論: 初期做乜到甜滋滋, 後期變得相對無言, 接住唯有美化從前。「你以前都唔係咁!」係一個總結。(林若君)
「日夜做 見爸爸 剛好想呻 卻霎眼看出他多了皺紋...」人到中年, 開始經歷生老病死。更要是至親0既父母。(林若君)

**********************************************
家佈置成七十年代的模樣 (竟然有Tuxedosam 書檯燈), 想時光倒流30年? (黃天樂)
「天天清早最歡喜 在這火車中再重逢你...」由F.1偷暗到F.5, 你有無試過? 點都好, 暗戀都有暗戀0既樂趣。(黃天樂)
人生苦短, 穿衣繽紛d, 人都開心d、醒神d。點解街上d人個個著到黑蚊蚊, 好似suit咁?(黃天樂)
做CD鋪Sales有乜唔好? 我鍾意音樂, 鍾意我份工作。點解一定要賺好多好多0既錢, 夠洗咪得囉! (黃天樂)
生乳癌之麻, 有乜咁大不了? 人人都會病架喇。我從來都無放過長假, 從來都未去過旅行。 我要 - 日落巴黎~(黃天樂)
我唔係自己一個去架, 我有Siu Ming陪我。Siu Ming0係我臨去旅行前,「佢」送俾我0既熊公仔。「佢」唔係我男朋友, 但「佢」對我好好。我叫「佢」摸我 (那麼, 至少除左醫生外, 有男人摸過我個胸。),「佢」話會等我返黎。(黃天樂)

***********************************************

林若君跟黃天樂同是快將30出頭。同樣快將30出頭的你, 又認為自己似佢地邊個?

To Kay

Kay:

呢個聽後感唔止寫俾你, 仲有周博賢。我覺得你地其實係一個組合, 因為你差不多所有歌都係出自Adrian手筆。我常想, 若只有Kay獨特的歌聲, 但缺少周博賢等別開生面的題材, Kay應該不比現在突出。 我鍾意Kay + 周博賢就係因為你地偏要講大部份Pop Music唔會講o既野。

第一隻碟要讓聽迷認識Kay。
<> 背景有水聲, 偷錄自Kay泡泡浴時練歌聲?! 好想知道。
<<姿色份子>> 哈, 唔知呢首歌可以喚醒幾多香港女仔?
<<喪婆>> 謝安琪唱自己, 又好似唱緊一班剛畢業年青人o既心聲咁。
<<我歌…故我在>> 因為呢首歌, 我會記著你同買你0既碟。
<<開卷快樂>> 帶著牙箍著呢首歌好高難度, 歌詞又寫得好抵死。
<<悟入歧途>> 同<<喪婆>>melody一樣, 都係表達自己。(OL版 <<喪婆>>)
<<臭男人>> MV好有型! 聽呢首歌會聽到人好High!
<> 英文歌詞較 <<我歌…故我在>> 順暢。
<<塑膠玫瑰>> 個人覺得廣東版寫得較絕核。
<<一人之夏>> 感覺似聽緊一峰o既歌, 好relax。

第二隻碟是Kay/ Adrian 要聽迷都留意下身邊一切。最容易忽略的, 可能最需要關心。
<<跟我走>> 你好多Fans跟妳走o架!俾心機!
<<菲情歌>> 會唔會有菲譯本? 等佢地知道其實香港人都明白佢地離鄉別井之苦。
<<愁人節>> 首歌o係情人節聽, 幾悲涼。我學懂珍惜當下。
<<亡命之途>> 好想知道小巴司機聽到這歌會唔會揸慢d? 又或者有無人因聽完這歌以後唔敢搭半夜小巴?
<<我愛茶餐廳>> 我也愛茶餐廳, 最愛全日供應o既特餐。

不好意思。唯一要彈的是, 今張唱片的Kay太靚, 我以為自己買左一張美少女唱片。可能係先入為主, 我還是喜歡上一張帶點佻皮,比較酷的鋼牙Kay-謝安琪。

祝新大碟快出!

名字比你多個io既
Kayi上
二零零六年七月十三日

Believe in God

掙扎左一後時間, 我覺得我自己作了另類決志。
在場沒有牧師祝福, 但有法官見證。

我決定以基督徒身分宣讀誓詞。

二零零六年六月一日中午。

As a QA

友人說他設計的電腦程式有bug, 讓公司及客戶有大筆金錢上損失, 一組同事都壓力很大, 想把問題收復。我見他一個苦惱的樣子。
我就想, 如果我公司產品出問題, 會有什麼後果發生。

據說,有些產品用在汽車上。那, 如果有問題, 豈非足以致命?
點解一直以來, 我就只抱怨客戶要求高。他們要確保以後幾年在極端條件環境下, 產品仍可保持水平, 其實都係為了保障我們自己的生命。

作為一個QA, 樣樣得過且過, 沒有這些危機感, 到出事時已經太遲。我要改變自己0既attitude, 希望仲未太遲。

Nightmare

我從來都好少發惡夢。媽話熱氣,訓得唔好,先會發惡夢。
我昨晚竟然夢到我0既他因意外離我而去。啋!

我翻來覆去都訓得唔好,夢中有幾個意外,但結果都係一個。好恐怖! 阿Q咁諗,好在我的夢從未成真。

點解我會有這樣的夢?

我情願先離去0既係我,唔係佢。我要我們在一起!

Bangkok 2006

一年一度四月旅行節今年0係曼谷告一段落。

可能同其他遊泰國0既旅者不同, 我地完全無游水, 無spa。呢幾日就周圍遊, 周圍食,一定已經肥左幾磅返黎。

3/31:
Chit Lom Central Loft Cafe: 食店型式似之前又一城"米",我地選食越南小食, 開始發覺與當地人溝通有困難。
洲際C'est Bon: 竟然0係泰國食法國菜, 九個小碟, 一一淺嚐, 尤其南瓜湯、香橙布丁,Yummy~港幣2百多元在香港一定食唔到,可惜最後被一班嘈吵香港人破壞曬氣氛。

除了一落機0既香薰message, 全日都在酒店附近遊走,買左兩條港幣百多二百元0既Levis牛仔褲。

4/1:
翟度翟weekend market附近娥姐餐廳:行左翟度翟(香港女人街)半日後,無甚收獲,地圖上見娥姐在翟度翟附近有分店,決定午餐到此解決。看此好近,原來餐廳距離市場都有半個小時路程。幸好,娥姐菊花茶解喝,泰式小食拼盆(鴨舌、甜酸蝦...)味道不錯,不枉此行。小食拼盤在餐牌上原本由5味小食拼合,侍應見我地人少,話可以減做3味,幾體貼。
水門雞飯:酒店附近街邊小食店, 一個海南雞飯餐(包括胡椒湯)只需港幣6蚊。雖然飯餐並沒有網友形容得可以上天下海,但以此極低0既價錢體驗一下當地人美食, 何樂而不為? 附近亦有好多街邊大排擋, 泰國人喜愛把鹽塗滿一整條魚燒來食。

4/2:
搭船沿著湄南河去左大王宮一帶, 到大王宮先要經過一段沒有路標、長長大直路。可能我地表現迷惘,讓壞人有機可乘。我地遇到兩個兜搭0既泰國人, 其中1個又係用同一條橋,話適逢王宮當日有一年幾度慶典不對外開放,介紹我地去第二處遊覽, 佢仲串通路邊tuk tuk司機, 講得似模似樣。好在得網友提醒,無理佢,繼續向前行。佢仲抵死到問我地仲去邊!我答我地鍾意四周行。行多十分鐘, 見到一個"叫人唔好相信陌生人, 王宮日日開"0既告示在王宮門口旁邊, 簡直『柳暗花明又一村』!

由於行到身水身汗, 我地只去左酒店附近商場(Big C入口)買Donut.有一款叫Twist好好味~

晚上到旅遊書推介0既泰式餐廳Once Upon A Time, 餐廳分室內室外兩部分,環境雅致,可惜蚊叮令分數大打折扣。可能我地唔識叫特式食物,食物唔算特出。不過,裝在小銀杯裡0既水同酸梅湯味道0既凍檸茶一樣可以解暑喝。

值得一提, 由酒店行到Once Upon A Time大路上, 竟然見到有人騎大笨象走過, 蔚為奇觀。

4/3:
我地放棄在日光下暴曬,決定在冷氣商場遊遊走走。行左大半日, 買了一對Converse, 比香港平50港元。除了食品、家居精品, 其他泰製品都唔係好岩買。

午餐在Asok附近一越南餐館解決, 環境布置已經0係一個享受,食物都其次。好可惜在泰國食左咁多餐都搵唔到生菜包肉呢款香港道地泰國/越南菜。究竟呢個係唔係香港菜式?

晚餐在酒店對面Isetan內S&P(似香港美心集團), 想不到也是小貓三,四隻, 叫了幾個小菜同一個甜品.個胡椒garlic蝦同香芒糯米飯極正,好回味。

4/4:
食過酒店早餐無幾耐, 趁最後一天到不少網友推介0既日本料理『新大黑』,沒有甚麼特別評語, 只可以用一個"抵"字來形容。

回顧五日四夜曼谷之旅, 我原來唔係好得呢種日日為了飲飲食食0既日子, 我竟然偷偷掛住香港0既工作。當然, 在現在, 我又突然唔係咁想聽日要返工了, 因為仲有好多想做0既野未做。