My Recent Favourites

連續哭了一個星期, 天公今天終於肯開懷大照。人的心情也覺得開朗d。

上次『早熟』之後, 已經有一個月無去戲院睇戲。
似乎我很喜愛『無間道』組合, 不過『早熟』的兩對爸爸媽媽確實做得出色。(房祖明跟Fiona飾演純純的年青人也很稱職, 可我懷疑有無後生仔女會好似佢地咁傻?)
今晚看了『頭文字D』。入場因為有秋生, 亦因為鍾意余文樂0既造型。至於AE86, 不諳車道0既我,也想見識佢點樣飄移。散場後, 聽到好多人話周杰倫好似藤原拓海。我無睇過原著, 所以no comment, 不過確實感受飈車時0個速度同危險性(positive d咁講應該係刺激)。故仔講拓海父因選愛情棄賽車, 最後與妻離異, 不無遺憾, 協兒子賽車, 似乎想重拾自己當年理想。用阿B跟阿澤兩父子襯秋生周杰倫兩父子, 幾好睇又幾好笑。

呢排狂煲謝安琪, 隻大碟所有歌我都鍾意。盧巧音隻碟, 雖然無咁易入耳, 但一定比上一隻有意思。我想, 係佢同唱片公司0既協議, 用上一隻k歌碟0既銷量cover埋呢隻碟。但我總係覺得, 如果鍾意Candy, 想買呢隻碟定比上一隻碟多。咁多歌, 應該煲到At170既新碟 ^_^

最近發現時間有限, 好多野想做。睇返『小飛俠』、『Desperate Housewives』、之前買落0既書、send application letters...決定星期六、日不再OT。呢間公司不再值得投資青春。