Tequila

舊boss終於可以離開公司, 大家也替他高興。

現任boss推介中港城一露天泰式餐廳, Her。食物OK, 但值得一提0既係個view。
一邊望住萬尺毫宅凱旋門, 一邊望住港島大廈群夜色。你又會選擇坐那一邊?

我面向0既凱旋門空有形而無神, 黑漆漆一片。明明炒買熾熱, 點解會無人住? 香港就是這樣一處怪地方, 有人無屋住, 有屋無人住。錢滾錢, 愈富愈富, 愈貧愈貧。因此,大家晚晚都發六合彩橫財夢。

下場去左北京道一號頂樓Aqua,上個星期睇完報紙介紹好想去見識下, 估唔到真係有機會。去其他地方旅行, 始終覺得佢地夜景不及香港美。0係Aqua (www.aqua.com.hk),你係可以摸住酒杯底欣賞維港景色。如果心愛0既人在旁, 一定會醉。

我當晚應該係第四次嘗酒。(see, 我係數得出0架。第一次0係油麻地日式食肆飲香港啤酒, 第二次0係新加坡飲紅酒, 第三次去日本飲朱古力啤酒。)每次都好似飲酒精咁,確實對酒無甚好感,唔明點解d人咁鍾意。今次0既酒比較好飲, 佢地形容得好, 好似飲空氣咁, 叫Tequila。網頁話Tequila0係一隻墨西哥酒, 誤傳由仙人掌製成, 其實0係龍舌蘭(agave)0既樹液, 酒精成份38-40%。傳統飲法係用矮杯裝, salt-tequila-lime: lick, sip, bite。佢地話salt同lime0係用黎去酒味, 咁點解其他酒無呢個飲法?可惜, 網站沒有解釋。http://www.ianchadwick.com/tequila/